Dòt awtik ki adan Tou dè Gad la

Onlo pwoklamatè enmé sèvi èvè JW Library^® pou préparé réinyon a yo. Yo kontan toubònman davwa yo pé ay dirèktèman adan sé awtik-la ki fèt pou étidyé la ki adan Tou dè Gad la. Men adan Tou dè Gad la, ni dòt awtik osi ki ka édé-nou rété bon zanmi èvè Jéova. Kijan ou pé touvé sé awtik-lasa adan JW Library é pwofité dè tout sé bon biten ki adan yo la ?

• An fen a chak awtik ki fèt pou étidyé, ou ké vwè i maké « Dòt biten ou pé li ». Tousuit anba a-y ou ké vwè i maké « Dòt awtik ki adan niméwo-lasa ». Pijé asi-y é ou ké vwè lis a tout sé sijé-la ki adan Tou dè Gad lasa. Adan lis-lasa, ou ké touvé tit a tout sé awtik-la ki fèt pou étidyé la èvè niméwo a yo. Ou ké touvé tit a sélézòt awtik-la osi. Pawmi sélézòt awtik-la, pijé asi tala ou vlé li la.

• Asi JW Library, adan « Accueil », gadé pawti-la « Nouveautés » é téléchawjé chak dènyé Tou dè Gad ki ka parèt. Ouvè-y é gadé lis a sé sijé-la pou ou byen sèten kè ou pé’é raté pon awtik.