Andiré dé biten yo ka fè-w ki pa jis

Li Jénèz 37:23-28 é 39:17-23, é gadé kijan Jozèf andiré lèwvwè yo fè-y dé biten ki pa té jis.

Gadé sa ki pasé avan é apré istwa-la. Poukwa sèwten moun aji on mannyè ki enjis èvè Jozèf ? (Jén. 37:3-11 ; 39:1, 6-10). Konmen tan Jozèf andiré sé biten-lasa ? (Jén. 37:2 ; 41:46). Pannan tout tan-lasa, ka Jéova fè pou-y, men ka i pa fè ? (Jén. 39:2, 21 ; w23.01 17 § 13).

Fouyé pi fon. Menmsi sa madanm a Pitifa té di asi Jozèf pa té vré, Labib pa ka di-nou si Jozèf chèché a défann-li. Pétèt pou ki rézon Jozèf désidé pa di ayen ? Lèwvwè nou ka li on istwa adan Labib, fò pa nou atann-nou a touvé tout sé ti détay-la. Poukwa nou ka di sa ? (Pwov. 20:2 ; Jan 21:25 ; Akt 21:37). Ki kalité fò Jozèf té ni pou andiré tousa yo fè-y sibi ? (Mich. 7:7 ; Lik 14:11 ; Jak 1:2, 3).

Gadé ka sa ka aprann-vou. Mi sa pou mandé-w :

• « Konm an sé on disip a Jézi, yo pé rivé a fè-mwen dé biten ki pa jis. Ki biten ésa ? » (Lik 21:12, 16, 17 ; Ébr. 10:33, 34).

• « Kijan an pé préparé-mwen pou lèwvwè yo ké fè-mwen dé biten ki pa jis ? » (Sòm 62:7, 8 ; 105:17-19 ; w19.07 2-7).