Pou idé to étidyé

Désidé sa to divèt étidyé an prémyé

Nou tout nou pa gen bokou tan pou nou étidyé Labib-a nou rounso. Alòr kouman to pouvé byen itilizé tan-an to ka pran pou étidyé ? Pou koumansé, pran to tan. To ké profité plis si to ka byen étidyé déztrwa lidé pasé to li vitman roun patché lidé.

Apré sa, désidé sa ki pi enpòrtan (Éph. 5:15, 16). Men déztrwa konsèy :

• Li Labib-a chak jou (Ps. 1:2). Roun bon fason pou to koumansé, a swiv program lèktir Labib-a pou réinyon-an an mitan simenn-an.

• Byen préparé pou étid Tourdégard-a ké pou réinyon-an an mitan simenn-an ; préparé to kò pou to pouvé bay répons (Ps. 22:22).

• Lò to gen tan, éséyé gadé dèrnyé vidéyo-ya ki soti osi ouben éséyé li dèrnyé journal piblik-ya ké artik-ya ki soti asou jw.org.

• Fouyé pou anprann plis asou roun bagaj to kontan. Parèkzanp, to pouvé fè réchèrch asou roun problèm to ka jwenn, asou roun késyon to ka pozé to kò ouben asou roun bagaj annan Labib-a to lé konprann pi byen. Pou to pouvé trouvé bèl ti lidé, gadé parti « Explore la Bible ! » asou jw.org.