Ès sé Témwen Jéova-ya ka krè ki a yé ki gen sèl vré rélijyon-an ?

Si rélijyon-an a roun bagaj ki séryé pou nou, nou divèt asiré nou kò ki sa-la nou chwazi ka fè Bondjé ké Jézi plézi. Si a pa sa, ès sa vo lanpenn swiv sa rélijyon-an ?

Jézi Kris pa té janmen dakò ké lidé ki i gen plizyèr rélijyon, ouben plizyèr chimen, ki ka sové. O kontrèr, i di : « Chimen lavi-a piti, é so lapòt piti, é i pa gen bokou moun ka trapé l’ » (Matthieu 7:14). Sé Témwen Jéova-ya ka pansé ki yé trouvé sa chimen-an. Si a pa té sa, yé té ké chaché rounòt.