Yé kouté Satan. Ké ki rézilta ?

Adan é Èv pa obéyi Bondjé, a pou sa yé mouri (Genèse 3:6, 23).

Èv kouté sèrpan-an é i manjé annan frwi-a. Apré, i bay Adan annan l’ é i manjé osi.

Sa yé té fè-a té mové. A té roun péché. A pou sa Bondjé mété yé dérò di jarden Édèn-an.

Lavi-a divini rèd pou yé ké yé pitit. Adan é Èv divini vyé, é yé mouri. Yé pa alé pyès ròt koté. Yé arété viv nèt.

Moun mouri pa ka viv ankò pyès, kou lapousyè-a (Genèse 3:19).

Nou ka mouri paské nou tout ka vini di Adan ké Èv. Moun ki mouri pa pouvé ni wè, ni tandé ni fè anyen (Ecclésiaste 9:5, 10).

Jéova pa té lé pésonn mouri. Pita, i ké roubay moun ki mouri lavi. Si yé kouté l’, yé ké viv pou tout-tan.