PARTI 3

Kouman lavi-a té fika o koumansman ?

Jéova té bay Adan é Èv roun lo bon kichoz (Genèse 1:28).

Jéova ka fè Èv apré sa i ka marié l’ ké Adan

Jéova fè prémyé fanm-an, Èv, é i maryé l’ ké Adan (Genèse 2:21, 22).

Jéova té bay yé roun entélijans ké roun kò ki té parfè, kivédi san défo.

Adan ké Èv ka admiré Paradi-a, koté yé ka viv

Adan é Èv té ka viv annan jarden Édèn-an. A té roun trè bèl ti koté ki té gen roun larivyè, zannimo ké pyébwa ka bay frwi.

Jéova té ka palé ké Adan é Èv; i té ka anprann yé kouman pou yé té viv. Si yé té kouté, yé té ké viv asou latè-a pou tout-tan.

Bondjé té défann manjé annan frwi roun di sé pyébwa-ya (Genèse 2:16, 17).

Pyébwa ki té annan jarden-an é ki Jéova té défann Adan ké Èv mangé frwi-ya

Jéova di Adan é Èv pa manjé annan frwi roun sèrten pyébwa. Si yé té ka manjé l’, yé té ké mouri.

Satan Djab-a, roun zanj méchan, itilizé roun sèrpan pou palé ké Èv

Roun di sé zanj-ya, révòlté kont Bondjé. Sa mové zanj-a, yé ka aplè l’ Satan Djab-a.

Satan pa té lé Adan é Èv té obéyi Jéova. I sèrvi di roun sèrpan pou di Èv ki si i té ka manjé annan frwi sa pyébwa-a, i pa té ké mouri, i té ké divini kou Bondjé. Asiré pa pétèt, a té roun manti (Genèse 3:1-5).