A kimoun ki sa vré Bondjé-a ?

I gen roun sèl vré Bondjé é so non a Jéova (Psaumes 83:18). I ka viv annan syèl-a, a pou sa nou pa ka wè l’. I kontan nou é i lé nou kontan l’ osi. I lé nou kontan tout sé lézòt moun-yan (Matthieu 22:35-40). Bondjé Tou-Pwisan é i kréyé tout bagaj.

Prémyé kréyasyon Bondjé fè, a roun zanj trè pwisan. Pita asou latè-a, yé ké aplé l’ Jézi Kris. Apré sa, Jéova kréyé sé ròt zanj-ya.

Jéova kréyé tousa i gen annan syèl-a... ké tousa i gen asou latè-a (Révélation 4:11).

Bondjé Jéova kréyé sé zétwèl-ya, latè-a ké tousa i gen asou l’ (Genèse 1:1).

I fè Adan, prémyé wonm-an, ké lapousyè latè-a (Genèse 2:7).