PARTI 1

Kouman nou pouvé kouté Bondjé ?

Lò nou ka li Labib-a, a konsa nou ka kouté Bondjé (2 Timothée 3:16).

Dépi so tronn annan syèl-a, Jéova ka gidé dé wonm gras a so lèspri sen pou yé ékri Labib-a

Bondjé doumandé sèrten wonm ékri tout so lidé annan roun liv sen. Sa liv-a, a Labib-a. Annan l’, i gen enfòrmasyon enpòrtan ki Bondjé lé fè nou konprann.

Bondjé savé sa ki pi bon pou nou. Si nou ka kouté l’, nou ké gen sajès (Proverbes 1:5).

Labib-a annan bokou lang ; roun mouché ka li Labib-a annan so lang

Bondjé lé ki tout moun li Labib-a. A pou sa, i ka èkzisté annan bokou lang.

Pou kouté Bondjé, nou divèt li ké konprann Labib-a.

Toupatou asou latè-a i gen moun ka kouté Bondjé (Matthieu 28:19).

Roun Témwen Jéova ka li roun vèrsé pou roun mouché, apré sa i ka étidiyé Labib-a ké li

Sé Témwen Jéova-ya pouvé édé ou konprann Labib-a.

Toupatou asou latè-a, yé ka anprann bokou moun sa ki vré asou Bondjé.

Roun réinyon annan roun Sal di Rwayon di sé Témwen Jéova-ya

Ou pouvé anprann konnèt Bondjé lò ou ka alé annan yé réinyon. Ou pa ka péyé pou anprann.