Pou idé nou sèrvi sit-a

Trapé artik-ya ki parèt asou prémyé paj jw.org

Roun patché proklamatèr ka trouvé ki artik-ya ki ka parèt asou prémyé paj jw.org vréman itil. Sa fasil pou voyé sa artik-ya annan roun mésaj élèktronik, é près yé tout ka èspliké kouman sa ki ka pasé jòdla ka montré ki profési-ya annan Labib-a ka fèt. Roun frè ékri ki artik-ya nou ka jwenn asou prémyé paj jw.org, a « èkzaktéman sa nou bézwen pou métòd prédikasyon nou ka sèrvi atchèlman ».

Mé an jénéral, roun artik ki ka parèt asou prémyé paj jw.org, pa ka rété lontan asou sa paj-a. Donk lò i pa la ankò, kouman nou ka fè pou nou viré jwenn sa artik-a ?

• Laro prémyé paj jw.org, i gen sa lyen-an : « Plis ». Sa lyen-an ka mennen nou asou sa paj-a : « Sa i té gen asou paj akèy-a i pa gen lontan ». A la to ké jwenn artik-ya ki parèt i pa gen lontan asou jw.org.

• Asou jw.org ouben annan JW Library^®, chwazi « Bibliothèque », apré sa « Rubriques » épi pou fini « Divers ». Annan parti « Divers » to ké jwenn près tout artik-ya ki parèt asou prémyé paj jw.org anvan.