Ròt artik nou ka jwenn annan Tourdégard-a

Roun patché proklamatèr kontan sèrvi JW Library^® pou préparé réinyon-yan é yé kontan jwenn chak artik nou ké étidyé annan Tourdégard-a dirèktéman. Mé souvan, annan Tourdégard-a, i gen ròt artik ké bèl lidé èspirityèl annan. Kouman to pouvé trapé sa artik-ya annan JW Library épi profité di sa i gen annan ?

• A lafen di chak artik pou étidyé i marké « À lire aussi ». Anba sa parti-a i gen sa lyen-an : « Autres articles dans ce numéro ». Apiyé asou sa lyen-an pou wè somèr-a koté to ké wè tit ké niméro chak artik pou étidyé ké ròt artik i gen annan Tourdégard-a. Apiyé asou artik to lé li-a.

• Annan JW Library, chwazi « Accueil », é annan parti « Nouveautés », télécharjé chak Tourdégard lò i ka soti. Louvri Tourdégard-a épi gadé somèr-a pou to pa raté pyès artik.