Byen sèrvi « kado èspirityèl » yé bay to-a

Lò nou ka pasé tan ké nou frè ké sò-ya, nou ka ankourajé nou konpanyen. Mé si nou lé bay nou konpanyen bon ankourajman, a pou nou fè plis ki pasé tan ansanm. Labib ka di ki Bondjé bay nou roun « kado èspirityèl » : nou pouvé idè nou konpanyen fè yé lafwa vin pi fò (Rom. 1:11, 12). Kisa nou pouvé fè pou nou byen sèrvi sa « kado èspirityèl »-a ?

Sa to ka di pouvé ankourajé ròt-ya. Parèkzanp, lò nou ka réponn pannan réinyon-yan, pasé nou palé di sa nou ka pansé ouben di nou lavi, miyò nou palé di Jéova, Labib ké so sèrvitèr-ya. É lò nou ka palé ké nou frè ké sò-ya, nou pouvé désidé palé di bagaj ki ka fè nou lafwa vin pi fò.

Désizyon to ka pran ké bagaj to ka fè pouvé ankourajé ròt-ya. Parèkzanp, roun ran désidé rété annan sèrvis a plen tan-an menmsi yé gen roun patché problèm. Ròt ankò ka vini annan chak réinyon menmsi yé malad ouben yé ka travay bokou.

Ès sa to ka di ké sa to ka fè ka ankourajé to frè ké sò-ya ? É ès to ka wè sa to frè ké sò-ya ka fè pou ankourajé to ?