TITIRAKI AIKA KAEKAAKI MAN TE BAIBARA

E na kanga ni kakukurei te maiu n taanga imwin te mare?

E ibuobuoki te taeka n reirei man te Baibara ni kaineti ma kateimatoaan te maiu n taanga ae kakukurei, ibukina bwa e roko mairoun te tia Karika te mare ae Iehova ae te Atua. Ti reiakinaki iai bwa ti na kateimatoai arora aika a na karekea te kakukurei n te maiu n taanga ao e kauringira naba aroaro aika kona n urua te mare. Ti reireiaki naba iai aaro n itoman aika karekea te kakukurei n te maiu n taanga imwin te mare.​—Wareka I-Korote 3:​8-10, 12-14.

A riai buumwaane ao buuaine n ikarinerine i marenaia. A kona ni kukurei n tekatekaia n taanga ngkana a kaai ni karaoi mwiokoaia mairoun te Atua.​—Wareka I-Korote 3:​18, 19.

Tera ae kateimatoa te mare?

E kona n teimatoa tekatekaia taanga ngkana a uaia n tangiriia. E reireinira te Atua arora ni kaotiota te tangira. Boni banna ni katoto aika kororaoi Iehova ao Natina ae Iesu ni kaineti ma te tangira ibukin te nano ni kan anga boni ngkoe.​—Wareka 1 Ioane 4:​7, 8, 19.

Ngkana a kaai ni karinea aia mare buumwaane ao buuaine n aron ae baireia te Atua, e na bon teimatoa tekatekaia n taanga. E karika te mare te Atua bwa e aonga n teimatoa ni katiteuanaaki te mwaane ma te aine ao ni kamanoaki naba raoi utu nako. E kona n teimatoa te maiu n taanga ibukina bwa e karaoiia mwaane ma aine te Atua, bwa a na ibuobuoki i marenaia ni kaineti ma marurungia ao aia iango. E karaoiia naba bwa katotongana ma te konabwai ni kakairi n ana tangira.​—Wareka Karikani Bwaai 1:27; 2:​18, 24.