Aroni Kabwarabwaraan te Maekatin

Te Taua-n-Tantani Tebetembwa 1

“Ngkana e karakina nakoim te karaki ae kakubanako te aomata temanna ae rangi ni kakoauaaki ao n onimakinaki, ko na bae ni kakoauaa ana karaki. Ma tera aroni kakai aika kamimi aika taekinaki n te Baibara? Ti kona ni kakoauai raoi baika taekinaki n te Baibara ibukini kakai aikai? [Kariaia te kaeka.] E kabwarabwaraaki n te maekatin aei bukina aika nimaua ae ti kona iai ni kakoauaa bwa a bon riki kakai aikai.” Kaota te kaongora ae mena n iteraniba 5 n te maekatin.

Te Taua-n-Tantani Okitobwa 1

“N aaba aika bati, ao a karawawataaki iai aine ao ni bwainikirinaki. E kananokawaki bwa a boutokaa te waaki aei Aaro. N am iango, e tabeakinia aine te Atua? [Kariaia te kaeka.] Nora ana kaetieti te Baibara ni kaineti ma aroia buumwaane n tabeakinia buuia. [Wareka I-Ebeto 5:28, 29.] E kaotaki n te maekatin aei te bae taekinaki n te Baibara ae kaota ana iango te Atua ibukia aine.”