Aroni Kabwarabwaraan te Maekatin

Moanakin te Reirei n te Baibara n te Moani Kaonobong n Turai

“A tangiria ni maiu n aki toki ao ni kukurei angiia aomata n ara tabo aei. Ti kan ataa am iango n te titiraki aei: Ko iangoia bwa e kona te rabakau n aonnaba ao te bwainnaoraki ni buokira bwa ti na maiu n aki toki n te tai teuana? [Kariaia te kaeka.] Nora ae taekinaki ikai.” Kaota te kaongora n te kabanea n iteraniba n Te Taua-n-Tantani ae bwain Turai 1, ao rinanoa ma ngaia te kaongora n te moan titiraki ao teuana te kibu ae kaotaki. Aanga te maekatin ao bairea manga okim ni maroroakina te titiraki are imwina ae kaotaki naba n te iteraniba anne.

Taraia: E riai ni karaoaki te maroro aei bwa te kaotioti n te botaki ibukin te mwakuri ni minita n Turai 6.

Te Taua-n-Tantani Turai 1

“A bati aomata aika ti maroro ma ngaiia ae bon iai oin aia Aro. Ma a taekinna tabeman bwa ai akea irouia onimakinan Aaro ni kabane. Tera am iango ibukin te Aro? [Kariaia te kaeka.] E katauraoa te kaetieti Iesu ibukini buokara n rinea ara Aro. [Wareka Ruka 6:44a.] E maroroakinaki n te maekatin aei aroaro tabeua aika buakaka ae e a rikirake irouia Aaro. E kaekaa naba te titiraki ae kangai, Iai te Aro ae riai n onimakinaki?”

Aroni Kabwarabwaraan te Boroutia ae Te Rongorongo ae Raoiroi Mairoun te Atua!

“Ti kawariia utu nako n am tabo aei bwa ti na tibwaa nakoia te iango ae kaunganano man te Baibara. A iangoia angiia aomata aika ti maroro ma ngaiia, bwa e aera te Atua ae tatangira ngkai e kariaia rikin te rawawata ae korakora n te aonnaba. Ko iangoia bwa te rawawata bon ana moani kantaninga te Atua ibukin te aonnaba?” Kariaia te kaeka. Imwina ao rairia nakon Reirei 5, wareki ao maroroakini barakirabe aika uoua ni moan te kaongora anne ao kiibu aika kaotaki n te manreireiti. Aanga te boroutia ao bairea manga okim ni maroroakina te titiraki are imwina ae kaotaki n te koroboki ae turu.