Te Kaetieti Ibukini Wikin Ritembwa 8

Anene 6 ao Tataro

Te Reirei n te Baibara n te Ekaretia:

jl Reirei 14-16 (30 min.)

Te Kuura ni Kataneiai Ibukia Taan Uarongorongo:

Wareware n te Baibara: Iotua 1-5 (10 min.)

Na. 1: Iotua 1:1-18 (4 min. ke i aana)

Na. 2: Ae Nanonaki n te Taamnei ae Raoiroi—rs-E i. 380 bar. 2–i. 381 bar. 1 (5 min.)

Na. 3: Te Wene ni Kimoa—E na Kangaa Temanna ni Bure ni Wene ni Kimoa n te Aro ni Kaikonaki?—it-1-E i. 54 bar. 2 (5 min.)

Te Botaki Ibukin te Uarongorongo:

TE BOTO N IANGO N TE NAMWAKAINA: Ti kaotii “baika raraoi” mani baike ti kakawakin aika raraoi.​—Mat. 12:35a.

Anene 94

10 min: A Tauraoi “Baika Raraoi” Ibukira n te Namwakaina Aei. Te kabwarabwara. Katereterea te boto n iango n te namwakaina. (Mat. 12:35a) Ti karekei kaubwai n taamnei mairoun te aomata are e reiakinira te koaua. (Nora Te Taua-n-Tantani ae bwain Tun 1, 2002, i. 16, bar. 5-7.) Ti riai naba ni manga tibwai “baika raraoi” aika iroura nakoia tabemwaang. Kauekea te kan ongora ni “baika raraoi” aika ti na karekei n te Botaki Ibukin te Uarongorongo n te namwakaina aei. Ti na buokaki ni karikirakea rabakaura n angareirei n ikotaki naba ma reiakinan anenean anene aika boou.

20 min: “Karikirakean Rabakaura n te Mwakuri ni Minita—Arora ni Kaira te Reirei n te Boki ae Ana Reirei te Baibara.” Te maroro. Karekea temanna te tia uarongorongo ae tau ke te bwaiania bwa e na karaoa te kaotioti i aoni kairan te reirei ni kamanenaan te boki ae Ana Reirei te Baibara.

Anene 96 ao Tataro