Buokiia Natim Bwa A na Karikirakea Aia Onimaki ae Nene Ibukin te Tia Karikiriki

E tataekinaki mimitongin Iehova n te karikibwai. (TA 19:1-4; 139:14) Ma e karikirakeaki n ana aonnaba Tatan reirei aika e aki karineaki iai te Atua ibukini moan rikin te maiu. (Ro 1:18-25) Ko na kangaa n totokoi iango aikai bwa a na aki wakaa n aia iango ao i nanoia natim? Buokiia man uarerekeia bwa a na karikirakea onimakinan ae iai Iehova ao e tabeakinia n tatabemania nako. (2Ko 10:​4, 5; Ebt 6:16) Kaungaia bwa a na kaotii aia iango aika raba ni kaineti ma baike a reireinaki iai n te reirei, ao kabonganai bwaai n ibuobuoki aika bati aika katauraoaki, n rotii iai nanoia.​—TNR 20:5; Iak 1:19.

MATAKUAKINA TE TAAMNEI AE AIA TAEKA TABONROROM​—KAKOAUAAN TE ATUA, AO IMWINA RINANOI TITIRAKI AIKAI:

• Tera te otokaraki ae rangi n ataaki ni kaineti ma kakoauaan te Atua?

• Tera ae ko reireinaki iai n am tabo n reirei?

• Ko kangaa ni kakoauaa bwa bon iai Iehova?

• Ko na kangaa ni buoka temanna bwa e na kakoauaa ae e kariki bwaai ni kabane te Atua?