Taabo n Reitaki n te Intanete—Kararoai Bwaai ni Kamwane Ake Iai

BUKINI KAKAWAKINA: N aron angiini bwaai ni mwakuri, a kona naba taabo n reitaki n te intanete n ibuobuoki ke ni karuanikai. A motinnanoia tabeman Kristian bwa a na aki kabonganai. Tabeman Kristian a kabonganai bwa aia bwai n reitaki ma aia utu ao raoraoia. Ma e tangiria te Riaboro bwa ti na kabonganai n te aro ae aki riai, are e kona iai ni kabuakakaa taekara ao n urua ara iraorao ma Iehova. N aron Iesu, ti kona ni kabonganai ana boto n reirei te Baibara n atai iai kangaanga ao ni kararoai.—Rk 4:4, 8, 12.

BWAAI NI KAMWANE AIKA TI RIAI NI KARAROAIRA MAI IAI:

• Te reitaki n te intanete n te aro ae riao. E kona kabanean aoa aika bati n te reitaki n te intanete ke te social media n anaa ara tai ae kakawaki ibukini bwaai n taamnei

  Ana boto n reirei te Baibara: Ebt 5:15, 16; Brb 1:10

• Matakuakinani baika aki riai. Matakuakinan taamnei aika kabwakabwaka a kona ni kairira nakoni babaeakinani matakuakinan te bwaitingako ke te wene ni bure. Wawarekan aia taeka taan tannako man te koaua ke baika a katokai n te intanete a kona n urua ana onimaki temanna

  Ana boto n reirei te Baibara: Mt 5:28; Brb 4:8

• Katokaan taeka ke taamnei aika aki raoiroi. Ibukina bwa e kamwamwane te nano, e kona temanna ni kani katokai taeka ke taamnei aika aki raoiroi n te intanete. Ma e kona karaoan aei ni kabuakakaa taekan temanna ke ni kamamaraa ana onimaki

  Ana boto n reirei te Baibara: Ro 14:13; Ebt 4:29

MATAKU N TE TAAMNEI AE KAWANAWANAKO NI KAMANENAAN TE INTANETE, AO MAROROAKINA ARORA N RARAWA NAKONI BAIKAI: