Aanga Aika Tenua Aika Ti Onimakina Iai Iehova

E tokanikai Tawita i aoni Koria ibukina bwa e onimakina Iehova. (1Ta 17:45) E kani kaota korakorana Iehova ibukia ana toro ni kabane. (2Ro 16:9) Ti na kangaa n onimakina ana ibuobuoki Iehova ao tiaki oin ara ataibwai ma ara konabwai? Aikai aanga aika tenua:

• Katoatai n tataro. Tai tii tataro bwa e na kabwaraaki am bure imwini karaoan te bure teuana, ma tataroa naba kakorakoraam ni kaitaraa te kariri. (Mt 6:​12, 13) Tai tii tataro bwa e na kakabwaiai Iehova am motinnano aika ko a tia ni karaoi, ma tataroa naba ana kairiri ao wanawanana imwain karaoan am motinnano nako.​—Iak 1:5

• Wawareka te Baibara ao ukeuke n reirei iai. Wareka te Baibara ni katoabong. (TA 1:2) Kananoa am iango i aoni katoto aika n te Baibara, ao maiuakin reireiam mai iai. (Iak 1:​23-25) Kakatauraoi nakon te mwakuri ni minita, ao tai onimakini baike ko a tia ni karaoi mai mwaina. Karekea kakabwaiaam ae bati ni bobotaki n te ekaretia, n arom ni kakatauraoi imwain te taromauri.

• Boutokaa ana botaki Iehova. Atai kaetieti aika boou man ana botaki Iehova, ao waekoa kakairi raoi iai. (WI 9:17) Ongeaba irouia unimwaane ngkana a kaetiko ao n anganiko taiani kaetieti.​—Ebr 13:17

MATAKU N TE TAAMNEI AE TI AKI RIAI NI MAAKA TE BWAINIKIRINAKI, AO KAEKAI TITIRAKI AIKAI:

• Baikara baika a maaku iai taari mwaane ao aine aikai?

• Tera ae buokiia ni kabokorakora ma maakuia?