Ukeuke ao Tibwaia

Ti kona n namakina te kabebeteaki ni karaoan ara ukeuke, ma ngkana ti tibwai kaubwai n taamnei aika kaungaunga ake ti kunei nakoia tabemwaang, ti na boni kabebeteaki riki iai. E kangai Taeka N Rabakau 11:​25, “Ane e kabebetea te aba e na manga kabebeteaki naba.”

Ngkana ti tibwaa te bae ti reiakinna ma tabemwaang, ti na kona ni kai ururingi riki reirei ao ni kananoa riki iai otara. Ao ibukina bwa a kona ni kakabwaiaaki tabemwaang n reirei akanne, ti a kukurei n tibwai reirei akanne nakoia.​—Mwa. 20:35.

Kataa aei: Ni wiki rake aikai, kakaaea te anga ae ko na tibwaa te bae ko reiakinna nakon temanna. Ko kona ni karaoia nakon temanna kaain am utu, kaain te ekaretia, raom ni mwakuri, raom n reirei, kaain rarikim, ke temanna ae ko boo ma ngaia n te mwakuri ni minita. Kataia n taekina te rongorongo n oin am taeka n te aro ae bebete ao e mataata.

Uringnga: Tibwaa te bae ko reiakinna ni kaungaia tabemwaang, tiaki ibukina bwa ti na kamoaira.​—1Kor. 8:1.