MWAKORO 5
Te Taenikai i Baburon ni Karokoa Manga Katean Oon Ierutarem
E rangi ni bati kataakin aia onimaki tibun Iteraera ngke a tiku n taenikai i Baburon. A karenakoaki Tiateraka, Metiaka, ao Abeteneko nako nanon te nne ni kanaiai are e uramwaaka, ma e kamaiuia te Atua mai nanona. Imwina riki ngke e a taenikai Baburon irouia kaain Miria ma Botia, ao e a manga karenakoaki Taniera nako nanoni nneia raian, ma e kamanoa te Atua ni kaini wiia raian.
N tokina ao e a kainaaomataia tibun Iteraera uean Botia ae Tairati. A okira abaia ngke e koro raoi 70 te ririki imwin kairaia nako Baburon bwa taenikai. Teuana mai buakoni bwaai ake a moani karaoi n okiia nako Ierutarem, boni manga katean ana tembora Iehova. Ma e ngae n anne, e waekoa ni katokaki aia mwakuri irouia aia kairiribai. Mangaia are tao 22 te ririki imwin okiran Ierutarem, ao e a tibwa tia te tembora.
Imwina riki ao ti a manga reiakina taekan mwanangan Etira n oki nako Ierutarem, bwa e na karaoa ana katamaroa i aon te tembora. E riki aei 47 tabun te ririki imwin tian te tembora. Ao ngkanne, 13 te ririki imwin mwanangan Etira, ao e a manga katea oon Ierutarem Neemia are e a tia n uruaki. Rongorongon rimoa ae karakinaki ni Mwakoro NIMAUA, a riki i nanon 152 te ririki.