Antai Raoi ae E Taua Taekan te Aonnaba?

Ko iangoia bwa . . .

TE BAE E TAEKINAKI N TE BAIBARA

‘E taua taekan te aonnaba Teuare Buakaka.’—1 Ioane 5:19, Te Baibara ae Tabu—Te Rairai ae te Aonnaba ae Boou.

“E a kaotaki Natin te Atua, bwa e aonga n urui ana mwakuri te Riaboro.”—1 Ioane 3:8.

Kabwarabwara aika koaua ni kaineti ma kangaanga n te aonnaba.—Te Kaotioti 12:12.

Bukini kakoauaan ae e na bitaki ara aonnaba nakon ae nakoraoi riki.—1 Ioane 2:17.

Eng, bwa iai bukina aika tenua:

E kabwaka ana tautaeka Tatan. E baireia Iehova bwa e na kamauna mwaakan Tatan n taua taekan te botannaomata. E beritanna bwa “e na kamauna . . . te Riaboro,” ao mwin ana urubwai nako Tatan.—I-Ebera 2:14.
E a tia te Atua n rinea Iesu Kristo bwa e na tautaekana te aonnaba. Ana tautaeka Iesu boni kaitaraan raoi ana tautaeka teuare tautaekana ngkai te aonnaba, ae ribuaka ao ni bangaomata. E beritana ae kangai te Atua ni kaineti ma ana tautaeka Iesu: “Ane e na nanoangaiia akana mamara ma akana a kai nanoia . . . E na kamaiu tamneiia man te babakanikawai ma te tiritiri.”—Taian Areru 72:13, 14, Te Baibara
E aki kona ni kewe te Atua. E kamatataaki ae kangai n te Baibara: “E aki kona ni kewe . . . te Atua.” (I-Ebera 6:18) Ngkana e berita Iehova bwa e na karaoa te bwai teuana, ao e na boni kakoroa bukina! (Itaia 55:10, 11) “E na kabwakaaki te tia tautaeka i aoia kaain te aonnaba aei.”—Ioane 12:31.

Tera aron te aonnaba imwini kamaunaan te tia tautaekanna?

E kaekaaki te titiraki anne n te Baibara n TAIAN ARERU 37:10, 11 ao TE KAOTIOTI 21:3, 4.