TE BWAOKI N REIREI 16B
Te Ikenrawa ma te Ngirangira, te Kanikinaeaki ao Kammwakuran te Kai n Oro—N Ningai ao n te Aro Raa?
E a kakororaoaki naba ni boong aikai te miitara are n Etekiera mwakoro 9. Ti kona ni buokaki ni kaitaraa tokin te waaki ae ngkai ma te aki nanokokoraki, man otara ni kaotakini baika a na riki
“Te ikenrawa ma te ngirangira”
N NINGAI: Ni kabaneani boong, imwain te rawawata ae korakora
N TE ARO RAA: A kaotiotia n aia taeka ao n aia mwakuri naake a raoiroi nanoia, bwa a ribaa te buakaka n te aonnaba aei. Aeka n aomata akanne ake a butimwaea te rongorongo ae tataekinaki, a teimatoa ni karina i aoia aroaroni Kristo, a bwabetitoaki bwa kaotan aia katabu nakon Iehova, ao a kakaonimaki ni koaua ni boutokaiia tarini Kristo
“Te Kanikinaeaki”
N NINGAI: N te rawawata ae korakora
N TE ARO RAA: Ngkana e a roko bwa te tia Motiki taekaia natannaomata nako teuare iai irouna nnen ana ingke te tia koroboki, are e tei ibukin Iesu Kristo. A na motikaki taekaia te koraki ae uanao, ke ni kanikinaeaki bwa tiibu, ae nanona bwa a na kamaiuaki n Aremaketon
Kammwakuran “te Kai n Oro”
N NINGAI: N Aremaketon
N TE ARO RAA: E na kamauna te aonnaba ae buakaka aei Iesu Kristo ma ana taanga ni buaka ake i karawa, ao n raonaki irouia anera ao raona n tautaeka ake 144,000 ao ni kairiia taan taromauri ni koaua nakon te aonnaba ae raoiroi ae boou