Titiraki Aika Kaekaaki Man Te Baibara

E kanga n riki te Riaboro?

E bon aki karikaki te Riaboro iroun te Atua. Ma e karika te anera te Atua are e a riki imwina bwa te Riaboro are e kinaaki naba bwa Tatan. E katerea Iesu bwa e a tia te Riaboro ni bwaina te koaua ao ni katinanikua te buakaka ngkoa. Bon te anera ae raoiroi ae natin te Atua te Riaboro n te moantai.​—Wareka Ioane 8:44.

E kanga te anera ni kona n riki bwa te Riaboro?

E bon rineia te anera are e riki bwa te Riaboro, bwa e na kaitaraa te Atua ao ni kaungaia te moan taanga bwa a na raonna. E boni karikia bwa Tatan ae nanona “te tia Kakaaitara.”​—Wareka Karikani Bwaai 3:​1-5; Te Kaotioti 12:9.

Bon iai inaomatan te anera are e a manga riki bwa Tatan n rinea ae eti ke ae kairua, n aroia nikiraia ana anera Iehova aika wanawana, ma e karikirakea tangiran te kan taromauriaki. E korakora riki tangiran te kan neboaki nakon tangirani kakukureian te Atua irouna.​—Wareka Mataio 4:​8, 9; Iakobo 1:​13, 14.

E kanga te Riaboro n teimatoa ni kariria aomata? Ko riai ni maakua? Ko kona ni karekei kaekaan titiraki akanne n te Baibara.