Tera Ana Tautaeka n Uea te Atua?
A bati aika tatataroa rokon Ana Tautaeka n Uea te Atua, ma ko a tia n iangoia bwa tera Ana Tautaeka n Uea te Atua, ao tera ae e na karaoia?
IANGOA TE BAE E TAEKINAKI N TE BAIBARA:
Tera Ana Tautaeka n Uea te Atua?
Bon te tautaeka mai karawa ae kairaki iroun Iesu Kristo ae te Uea iai.—Itaia 9:6, 7; Mataio 5:3; Ruka 1:31-33.
Tera ae e na kakororaoia Ana Tautaeka n Uea te Atua?
E na kamaunai baika buakaka ni kabane ao e na uota te rau n aki toki nakoia kaain te aonnaba.—Taniera 2:44; Mataio 6:10.
Tera nanon ae e na ukoukoraki moa Ana Tautaeka n Uea te Atua?
Nanona bwa ko na boutokaa raoi te Tautaeka anne, ao n onimakinna bwa bon tii ngaia ae e na kakororaoa nanon te Atua n te aonnaba, n aron are e tangiria.—Mataio 6:33; 13:44.