Kaotiota te Kakaitau Ibukin Ana Bwaintangira te Atua ae Moanibaan te Raoiroi
1. Bukin tera ngkai ti rangi ni kakaitau nakon Iehova?
1 Teuana mai buakon ana ‘bwaintangira aika raraoi’ Iehova, bon te karea ni kaboomwi ae kakannato are e katauraoaki iroun Natina ae e tangiria. (Iak. 1:17) E karekei kakabwaia aika bati n ikotaki naba ma kabwaraan ara bure. (IEbe. 1:7) Ti kakaitau n taai nako ibukin aei. Rinanon tain te Kauring ti karekea iai ara tai ni kananoi ara iango ibukin te bwaintangira ae kakawaki aei.
2. Ti na kanga ni karikirakea te kakaitau ibukin te karea ni kaboomwi n ara utu ao i bon iroura?
2 Karikirakea te Kakaitau: Ibukini karikirakean te kakaitau n am utu imwaini wikin te Kauring ni Maati 30, e aera bwa ko aki kabongana te tai ibukin te Taromauri n Utu ni kauringa iai te reirei ibukin te karea ni kaboomwi? Iangoa karaoan naba te wareware n te Baibara ae okoro n te utu ae baireaki imwain te Kauring. Iangoa aron te karea ni kaboomwi ni kakabwaiako ao n rota arom n iaiangoa Iehova, boni ngkoe, tabemwaang ao nakon taai aika na roko. Ko kona naba ni kakabwaiaaki man reiakinan anene aika boou ake uoua aika nambwa 8 ao 109 ake a na kabonganaaki n te Kauring.—TaiAre. 77:12.
3. Ti na kanga ni kaotiota ara kakaitau?
3 Kaotiota te Kakaitau: E kairira te kakaitau bwa ti na tuangia aomata tabemwaang taekan Iehova ao ana tangira ae korakora ngke e kanakoa Natina. (TaiAre. 145:2-7) A kaota te kakaitau utu tabeua mani bairean temanna kaain aia utu bwa e na auxiliary bwaiania i nanoni Maati, Eberi ao Mei. Ngkana e aki angaraoi aei iroumi, kam kona ni ‘kabooa ami tai’ ni karababaa nako riki n te mwakuri ni minita? (IEbe. 5:16) E kairira naba te kakaitau bwa ti na buokia aomata bwa a na kaea te Kauring ma ngaira. (TeKao. 22:17) Korei araia aomata ake ko okiokiria, ake ko reirei ma ngaia n te Baibara, am utu, raom ni mwakuri, ao kaain rarikim ake ko na kaoia, ao ngkanne karaoa ae ko kona n te mwakuri ae okoro ibukini kaoaia aomata nakon te Kauring.
4. Tao aaro raa ake ti na kabongana raoi iai tain te Kauring ma te wanawana?
4 E karekea ara tai tain te Kauring ni kaotiota ara kakaitau nakon Iehova ibukin ana bwaintangira nakoia botannaomata. Ti bia kabongana te tai aei ni karakaa riki ao ni kaotiota ara kakaitau ibukin te karea ni kaboomwi ao “kaubwain te Kristo ae rianako,” ni kabane.—IEbe. 3:8.