Maroro Aika Kona ni Kabonganaaki ma Ara Maekatin
Te Taua-n-Tantani Mei 1
“N am iango, tera te anga ae te kabanea n raoiroi ibukini karekeani kinaakin te Atua? [Kariaia te kaeka.] Noria bwa antai ae taekinaki n te Baibara bwa kiingini karekeani kinaakin raoi te Atua. [Wareka Ruka 10:22] Nora te bwai ae taekinna te maekatin aei ae e kona n reiakinna te aomata ibukin te Atua man arona n iangoa Iesu.” Katuruturua te kaongora ae moanaki man iteraniba 6.
Te Taua-n-Tantani Tun 1
“Tera aroni kaokoron te aonnaba ngke arona bwa a iraki raoi ana taeka Iesu aikai? [Wareka Mataio 7:12. Ngkanne kariaia te kaeka.] A maroroakinaki n te kaongora aei ana reirei Iesu tabeua aika katereterea bwa tera raoi ae nanonaki ni maiuakinan te maiu ni Kristian.” Katuruturua te kaongora ae moanaki man iteraniba 8.