Maroro Aika Kona ni Kabonganaaki ma Ara Maekatin
Te Taua-n-Tantani Nobembwa 1
“Ko taku bwa e kakawaki bwa antai ae ti na tataro nakoina? [Kariaia te kaeka.] Nora ae taekinaki n te Baibara ibukin aia tataro aomata ake rimoa. [Wareka 1 Uea 18:29.] Ti riai n tataro nakon te aomata ae riai bwa e aonga ni kaekaaki ara tataro.” Kaota te kaongora ae e moanaki n iteraniba aua.
Te Taua-n-Tantani Ritembwa 1
“Ti bane ni kani karekea raun nanora. Ko iangoia bwa ti kainnanoa te mwane bwa e aonga n rau nanora? [Kariaia te kaeka.] E a tia ni karekea raun nanona te tia korea te Baibara temanna e ngae ngke akea kaubwaina. [Wareka I-Biribi 4:11, 12.] E kaotaki n te maekatin aei baika nimaua man te Baibara ibukini karekean te raunnano.”