Te Baibara​—Mwaakana n Rota Maium

E buokiia aomata aika mirion ma mirion mwaitiia te Baibara bwa a na bitii maiuia nakon ae raoiroi riki. Baikara booto n reirei tabeua man te Baibara are ngkana ti maiuakin ao a na buokira bwa ti na tokanikai i aoni kangaanga n ara bong aikai? Akea te nanououa bwa ko na boni bae ni kukurei ni kakaaea kaekaan te titiraki aei, man iaiangoani kanoan te viteo ae The Bible​—Its Power in Your Life, ae kauouan iterani kanoani mwakoro aika tenua n te birim ae The Bible​—A Book of Fact and Prophecy. Imwini matakuakinan te birim aei, ko kona ni kaekai titiraki aikai?

(1) Bukin tera bwa ti kona n taekinna bwa te Baibara bon tiaki tii te boki ae e rianako aroni korobokiana? (Ebera 4:12) (2) Ngkana e kona te Baibara ni buokiia aomata bwa a na mweraoi, ao bukin tera bwa a teimatoa n rotaki ni kangaanga aika bati te botannaomata? (3) Tera raoi ana boto n iango te Baibara? (4) Baikara kiibu man te Baibara ake a kaotaki ae e na kona ni buokiia raao ni mare (a) ni katamaroa riki rabakauia n uaia ni mamaroro ao (b) n taona unia? (5) E a kanga te kantaninga ni Kristian ni kaineti ma te mare ni kona ni bita te maiu n utu bwa e na raoiroi riki? (IEbe. 5:28, 29) (6) E a kanga Iehova n tia ni karaoa te katoto ae kororaoi nakoia kaaro? (Mareko 1:9-11) (7) A na kanga kaaro ni karika te reirei n te utu bwa e na kakannongora? (8) Irarikin te reirei n te Baibara, baikara riki bwaai aika a kaungaaki iai kaaro n Ana Taeka te Atua bwa a na katauraoi ibukia natiia? (9) E na kanga ana reirei te Baibara ni buokiia utu bwa a na karekea mwaitin te mwane ae kainnanoaki ibukini maiuia? (10) Ngkana a kamanenaaki raoi, baikara booto n reirei man te Baibara ni kaineti ma bwainan te kakaitiaki, kabonganaan te drug ao nimakin te kamanging n te aro ae riaon ae riai, ao te tabeaianga, are a a kona ni kauarerekei riki kangaanga nakoni marurungira? (11) Baikara berita ake a taekinaki n te Baibara aika a kona ni kateimatoaira? (Iobi 33:25; TaiAre. 145:16) (12) A kanga reirei man Ana Taeka te Atua n tia ni buokiko ni kanakoraoa riki maium? (13) Ko na kanga ni buokiia tabeman ni kamanenaan te birim aio?