Jehovah’s Witnesses—Organized to Share the Good News
E raka i aon 100 te ririki maanin bairean tataekinan te rongorongo ae raoiroi irouia Ana Tia Kakoaua Iehova. E ataaki te mwakuri n uarongorongo aei bwa te kabanea ni kakannato n te aonnaba, n taekinaki n taetae aika bubua ma bubua mwaitiia ao ni karokoaki n aaba aika e raka i aon 230. (Mat. 24:14) Bukin tera ngkai e riai te mwakuri aei? E na kanga ni kakororaoaki ni kabutaa te aonnaba? E na kaekai titiraki aikai matakuakinan te birim ae Jehovah’s Witnesses—Organized to Share the Good News ao norani baika bati ake a karaoaki n ara mwakuri ni katobibia te aonnaba. Iangoi titiraki aikai imwini matakum n te birim aio.
E kanga te birim aio ni kona ni karikirakea otam ao am kakaitau ibukin (1) te kakorakora man ana botaki Iehova ibukin tibwaakin te rongorongo ae raoiroi? (2 Tim. 4:2) (2) te utu ni Betaera ni katobibia te aonnaba? (3) taian reirei ni kataneiai ake a katauraoaki ibukia mitinare ao mataniwi? (2 Tim. 2:2) (4) kakawakini moanakin iaiangoan neneran te kibu n te Baibara ni katoabong ao te katauraoi ibukini bobotaki n te ekaretia ni katoa wiki? (Mwa. 17:11) (5) karekean taiani kakabwaia mani kaakaeani bobotaki ni Kristian? (Ebera 10:24, 25) (6) taiani kakabwaia ake ko na karekei ngkana e a kaokaki te aonnaba aio nakon te Bwaretaiti? (Ita. 11:9) (7) te mwioko ni boutokaa karaoan te mwakuri n tai ae tabe ni karaoaki?—Ioa. 4:35.
E kakoauaaki te birim aio bwa te bwai ni mwakuri ae bongana ibukin anaakin nanoia te koraki ake a kan ongora n te mwakuri are a karaoia Ana Tia Kakoaua Iehova ni katobibia te aonnaba. (8) N te tai raa are e angaraoi iai bwa ti na kaota te birim aio nakoia ara reirei n te Baibara, ara koraki ao ai bon tabeman riki? (9) Tera aroni kukureia ae ko noria imwini matakuakinan te birim aio irouia?
Ngkana ti iaiangoi baika e a tia ni kakoroi bukia Iehova, ti a kairaki iai bwa ti na boraoi n iango ma ana taeka te tia areru ae kangai: “Iehova, a bati am makuri aika kamimi aika Ko karaoi, Ma nanom aika kaeti nako ira. A aki konaki ni baireaki ni warekaki nako Im.” (TaiAre. 40:5, BG) Ti bia kamanena raoi te birim aio ni buokiia iai tabemwaang bwa a na karikirakea aia kakaitau nakon Iehova ao ana botaki!