Jehovah’s Witnesses —Faith in Action, Part 2: Let the Light Shine
Imwini kainaomataaia man te karabuuti Brother Rutherford ma raona n 1919, ao e rangi ni bati te mwakuri ae a riai ni karaoia te Koraki Ake A Reirei n te Baibara. N aron ae kaotaki n te birim ae Jehovah’s Witnesses—Faith in Action, Part 2: Let the Light Shine, a na bati aika a na kaitaraaia te Koraki Ake A Reirei n te Baibara, e na teimatoa n rikirake otaia n te Baibara, ao e na kakorakoraaki aia onimaki. (TaeRab. 4:18; Maraki 3:1-3; Ioa. 15:20) Imwini matakum n te birim aei, ko kona ni kaekai titiraki aikai?
(1) Baikara aanga ake a kabonganai te Koraki Ake A Reirei n te Baibara, ibukini kabutanakoan te rongorongo ae raoiroi? (2) Tera ae katanoataaki n te bwabwaro ae okoro are karaoaki n 1931 ao 1935? (3) Tera te rongorongo ae kakawaki are maroroakinaki n Te Taua-n-Tantani n te Ingiriti, ae bwain Nobembwa 1, 1939? (4) Kabwarabwaraa te bwai ae riki i Madison Square Garden n tain ana kabwarabwara Brother Rutherford ae kangai, “Government and Peace.” (5) Bukin tera bwa e rangi ni kakaongora ana kabwarabwara Brother Knorr ae kangai, “Peace—Can It Last?” (6) Baikara babaire ake a karaoi Ana Tia Kakoaua Iehova n 1942, ibukini karababaan aia mwakuri n uarongorongo? (7) Kabwarabwarai tabeua kaboowi ake a karaoaki n te United States, Canada, ao Greece. (8) Tera aron rotakin te Kuura ni Kireata n rikiraken te mwakuri n uarongorongo? (9) Tera te mwakuri ae kakawaki are moanaki n 1946, ao bukin tera? (10) Baikara mwaneka ake a karaoi Ana Tia Kakoaua Iehova, ibukini kaboraoan raoi aroaroia ma booto n reirei man te Baibara? (11) Kabwarabwarai bitaki tabeua ake a karaoaki n 1970 tabun, ibukini kaboraoan te waaki n ana botaki Iehova ma baike a taekinaki n te Baibara. (12) E kanga ni buokiko matakuakinan te birim aei bwa ko na ota raoi ae bon aei ana botaki Iehova, ao boni ngaia ae e bairei bwaai nako? (13) E kanga te birim aei ni kakorakoraa am motinnano, bwa ko na teimatoa n uarongorongo ma te ingaingannano n aki ongei kangaanga? (14) Ti na kanga ni kabongana te birim aei ni buokiia iai ara koraki, aomata aika ti reirei ma ngaiia n te Baibara, ao tabeman riki?
A reke rongorongo aika boou ibukia Ana Tia Kakoaua Iehova mani baika riiriki ni katoabong, mangkoa ni karokoa ngkai. Baikara rongorongon ara kakorakora n te mwakuri ni minita ni boong aikai? Ti bia teimatoa n ingainga ni ‘kaootanako te oota man te rotongitong,’ n aroia tarira ake rimoa ake a a tia ni karaoa aei!—2 Kor. 4:6.