Aroni Kabwarabwaraan te Maekatin

Te Taua-n-Tantani Aokati 1

“Ibukina bwa a kimototo maiura ao a rotaki ni kangaanga, a mwaiti aika a kan ataia bwa tera te maiu ae manena. Ko a tia naba n iaiangoa anne? [Kariaia ana kaeka.] E beritanaki n te Baibara bwa e na aki teimatoa aroni maiura aei. [Wareka Te Kaotioti 21:4.] E maroroakinaki n te maekatin aei ana kantaninga te Atua ibukin te aonnaba, ao bwaai tabeua ake ti kona ni karaoi ibukini karekeani maiura ae manena ngkai.”

Te Taua-n-Tantani Tebetembwa 1

“A riai ataei n reiakinaki man uarerekeia taekan te Atua, ke e raoiroi riki te tataninga ni karokoa ae a ikawai bwa a aonga ni kona n rinei oin aia Aaro? [Kariaia ana kaeka.] Nora te bwai ae a reiakinaki iai kaaro man te Baibara. [Wareka I-Ebeto 6:4.] E taekinaki n te maekatin aei aanga tabeua ni kaineti ma aroia kaaro n reiakinia natiia taekan te Atua.”