Tai Tabwarabwara n Uarongorongo
1. Bukin tera bwa e kainnanoaki te ninikoria?
1 Ko tabwarabwara n uarongorongo n am tabo n reirei ibukina bwa ko maaka ae ko na kakanikoaki? Ni koauana, e kainnanoaki te ninikoria ngkana ko na uarongorongo, ai moarara riki ngkana ko mamaamaa. Tera ae na buokiko?
2. E kanga n irekereke bwainan te wanawana ma te uarongorongo n te tabo n reirei?
2 Bwaina te Wanawana: Kioina ngkai e iangoaki am tabo n reirei bwa am mwabe ae onoti, uringnga are ko aki kantaningaaki bwa ko na moana am maroro ma aomata nako ni kaineti ma te onimaki, n aron are ko kakaraoia ngkana ko uarongorongo man te auti teuana ma teuana. Bwaina te wanawana ni bairea am tai are ko na uarongorongo iai. (TeMin. 3:1, 7) E na reke am tai ni kaotiota am onimaki, n te baere maroroakinaki n tain te reirei ke te bae karaoaki n te reirei. Ke tao e kona n titirakiniko raom n reirei bwa bukin tera ngkai ko aki karaoi mwakuri tabeua. N teiraken te reirei ao a tia Kristian tabeman ni kabwarabwaraa nakon aia tia reirei ae ngaiia bon Ana Tia Kakoaua Iehova, ao n angania te boki ae kaineti ma rongorongon ara onimaki. A katikui booki i aon aia taibora tabeman, n te aro are e a kauekei titiraki mairouia ataein te reirei.
3. Ko na kanga ni katauraoi raoi bwa ko aonga n uarongorongo n te tabo n reirei?
3 Katauraoi Raoi: Ngkana ko katauraoi raoi, e na rikirake riki iai onimakinan ae ko kona ni kaekaia aomata nako ake a titirakiniko. (1 Bet. 3:15) Mangaia are kataia n tauraoi ao n iangoia bwa ko na kanga ni kaekai titiraki ake a na tabekaki. (TaeRab. 15:28) Ngkana e angaraoi, uota am Baibara nakon te tabo n reirei ao booki tabeua n aron te Reasoning, Young People Ask, ao te boki ae kabwarabwaraa te karikibwai, bwa ko aonga ni kabonganai ngkana a kainnanoaki. Tuangia am karo bwa kam na karaoa te kataneiai n tain ami taromauri n utu.
4. Bukin tera bwa ko riai n teimatoa n uarongorongo n te tabo n reirei?
4 Bwaina te Iangoraoi: Tai iaiangoia ae a na kakanikoko ataein am reirei ngkana ko tataekina taekan te koaua. A kona tabeman n anaaki nanoia ni kan ongora ibukin ninikoriam. Ma tai bwarannano ngkana akea ae kan ongora. E na rangi ni kukurei Iehova ngkai ko karaoa anne. (Ebera 13:15, 16) Bubutiia bwa e na buokiko n ‘teimatoa n uarongorongo ma te ninikoria ae bati.’ (Mwa. 4:29; 2 Tim. 1:7, 8) Iangoa aroni kimwareireim ngkana iai ae ongora iroum. E kona n riki te aomata anne bwa temanna ana toro Iehova!