Te Anga ae Nakoraoi Ibukira Bwa Ti na Kimwareirei n Anenen te Tautaeka n Uea
A iangoia ana toro te Atua bwa te katangitang bon te bwaintangira ae tamaroa mairoun Iehova. (Iak. 1:17) A bati ekaretia aika karekea te kimwareirei n ongoraean anenen te Tautaeka n Uea, aika katangaki imwain ao imwini bobotakin nako te ekaretia. Bon te anga ae kabebetenano ibukini butimwaeara nakoni bobotaki, katangan anene ibukin te kuura. Ti buokaki iai ni katauraoi ara iango imwain te taromauri. Irarikin anne, a kona ni matenikuna iroura kuuna aika boou man ara boki n anene ngkana a katangaki, ao ti a buokaki iai n anenei raoi. E kateimatoa namakinan te kukurei iroura katangani kuuna akanne, ike ti a kimwareirei iai n ikaungaunga i marenara. Mangaia are e riai te rabwata n unimwaane ni karaoi babaire aika nakoraoi ibukini katangakin te katangitang ae Sing to Jehovah—Piano Accompaniment (ae tii te katangitang) imwain ao imwin te botaki. A riai n taraia raoi bwa e na aki rangi n tangimwaaka, n te aro ae aki urua te maroro.