Te Kaongora ae Boou n Te Taua-n-Tantani

Ti taneiai ni kabongana te kaongora n Te Taua-n-Tantani ae atunaki ni “Karekea Reireiam Man Ana Taeka te Atua,” n te moani Kaonobong ni katoa namwakaina ni moana iai ara reirei n te Baibara ma aomata. Ni moa man Tianuare ao e nang oneaki mwin atun te kaongora aei nakon “Titiraki Aika Kaekaaki Man te Baibara,” ae e na oti i akun te maekatin ibukia aomata nako. Ti kona ni kabongana te atu ae “Titiraki Aika Kaekaaki Man te Baibara” n ara mwakuri ni minita n aron ae ti taneiai ni kakaraoia n te kaongora ae “Karekea Reireiam Man Ana Taeka te Atua.” N aron ae ti taneiai iai mai mwaina, e na karinaki naba n Ara Mwakuri ni Minita aroni kabwarabwaraan te maekatin ae ti kona ni kabongana n te moani Kaonobong n te namwakaina.