Aroni Kabwarabwaraan te Maekatin

Moanakin te Reirei n te Baibara n te Moani Kaonobong ni Beberuare

“A bati aomata aika a iangoia bwa bon te Riaboro ae karika te buakaka n te aonnaba. Ma a mimi ao a titiraki ni kangai: ‘E kanga n riki te Riaboro? E karikaki iroun te Atua?’ Tera ngkoe am iango? [Kariaia te kaeka.] Nora ae ti na warekia ikai.” Kaota te kaongora n te kabanea n iteraniba n Te Taua-n-Tantani ae bwaini Beberuare 1, ao rinanoa te moani barakirabe ao te kibu. Anga te maekatin ao bairea manga okim ni maroroakina te titiraki are imwina ae kaotaki naba n te iteraniba anne.

Te Taua-n-Tantani Beberuare 1

“Ti kan ataa am iango ni kaineti ma te aomata ae rangi ni karineaki irouia Kristian, I-Iutaia, ao Mutirim. Te aomata anne boni Mote. Tera te moani bwai ae ko na iangoia ngkana ko ongo te ara aei? [Kariaia te kaeka.] E ngae ngke iai ana kairua Mote, ma e kakaongora aroni kabwarabwaraana n te Baibara. [Wareka Te Tua-Kaua 34:​10-12.] E taekinaki n te maekatin aei, tenua mai buakon aroarona aika raraoi ao arora ni kakairi irouna.”