Aroni Kabwarabwaraan te Maekatin

Aroni Moanakin te Reirei n te Baibara n te Moani Kaonobong ni Beberuare

“A kakoauaa tabeman bwa te Baibara bon te boki ae taekini taetae ni burabeti aika kona n onimakinaki. A iangoia tabeman bwa iai i nanona taetae ni burabeti aika aki teretere raoi, aika kona ni kakaokoro kabwarabwaraaia. Tera am iango iai?” Kariaia te kaeka. Imwina, angan kaain te auti Te Taua-n-Tantani ae bwaini Beberuare 1, ao kaota te kaongora ae mena i aan te atu n reirei n iteraniba 11 ao wareka naba te kibu teuana. Aanga te maekatin ao bairea manga okim ni maroroakina te titiraki are tabekaki.

Te Taua-n-Tantani Tianuare 1

“A mwaiti aomata aika namakinna bwa akea buokaia ae kona n reke n rikini kabuanibwai aika karina. N am iango, tera ae na karaoia te aomata bwa e aonga ni kaaitarai kabuanibwai? [Kariaia te kaeka.] Nora ae taekinaki n Taeka N Rabakau 22:3. [Warekia.] Ko na kanga ni kamanena te boto n reirei aei ni kaitaraa te kabuanibwai? E kaotaki n te maekatin aei arom ni karaoa anne.” Kaota te kaongora n iteraniba 6 n te maekatin.

Te Taua-n-Tantani Beberuare 1

“Ti kona ni karekei reireiara aika bati mairouia mwaane ao aine aika rangi n tanoata taekaia rimoa. Ko kakoauaa aei? [Kariaia te kaeka.] E kaineti te kibu aei nakon te mwaane temanna ae taekinaki n te Baibara bwa ‘raoraon te Atua.’ [Wareka Iakobo 2:23.] E kabwarabwaraaki n te maekatin aei bukina ngkai e atongaki iroun te Atua bwa raoraona, ao e maroroakinaki naba iai reireiara ae ti kona n reiakinna man ana katoto Aberaam.”