Aroni Kabwarabwaraan te Maekatin

Ti na Karekei Mai ia Kaekaan Titiraki Aika Kakawaki Aika Irekereke ma te Maiu Aei?

Angani kaain te auti te turaeki bwa e aonga ni kona n nora atuna ao kangai: “Mauri. Ti karaoa te mwakuri ae okoro ae karaoaki ni katobibia te aonnaba n tibwaa te rongorongo ae kakawaki aei. Aio am beeba.”

Ngkana ko katuka te turaeki n auti aika akea kaaia ao katikua n te tabo ae na kai noraki ao tai rukuma n te aro ae na aki kubaraki.

Ngkana e kaota te kan ongora kaain te auti ke e tangiria ni maroro, ko kona n tuangnga bwa tera ana iango n te titiraki ae bati kaekaana ae oti mai moa. Kauka te turaeki nakoina ao kaota ae taekinaki n Taian Areru 119:​144, 160. Kabwarabwaraa bwa iai taekan te atureti ae kakawaraki n te Internet i nanon te turaeki aei are e na kona ni buokaki iai ni karekei kaekaan titiraki aika karaunano man te Baibara. Tao ko kona ni kaota nakoina te katoto ni kaineti ma te taamnei ae E Aera Ngkai E Raoiroi te Reirei n te Baibara? Imwain nakom ao kaotii titiraki aika tenua i akun te turaeki ao titirakinna bwa e nga mai buakon titiraki aikai ae rangi n tabeaianga riki iai. Bairea manga okirana bwa ko aonga ni kaota aroni kakaaeani kaekaan te titiraki anne man te Baibara ni kabonganaan te jw.org. Maroroakina te kaeka ae mena i aani BIBLE TEACHINGS > BIBLE QUESTIONS ANSWERED.

Ngkana ko tibwatibwai naba beeba ni kakao ibukin te bwabwaro n am aono, angani kaain te auti te beeba ni kakao n te tai naba are ko anganna iai te turaeki ao taekina aei: “Irarikin anne, ti a anganiko naba te beeba ni kakao nakon te botaki ae a kaoaki iai aomata nako ae i aoni kawaina ni karaoaki.”

Te Taua-n-Tantani Aokati 1

Ni katoa wikeen ao taekina aei ni kabwarabwara Te Taua-n-Tantani ngkana e angaraoi: “Ti kan tibwa naba nakoim ara maekatin aika boou. N Te Taua-n-Tantani aei ao e kaekaaki iai te titiraki ae “E Tabeakiniko te Atua?”