Kabongana te Turaeki ae Ara Atureti ae Kakawaraki n te Internet ae Boou

Atun te turaeki aei e kangai: Ti na Karekei Mai ia Kaekaan Titiraki Aika Kakawaki Aika Irekereke ma te Maiu Aei? Iai tenua titiraki aika mena i akun te turaeki aei. Tuanga te aomata ngkana e angaraoi iroum bwa te titiraki raa ae e anaaki riki iai nanona ao kairia nakon BIBLE TEACHINGS > BIBLE QUESTIONS ANSWERED n te atureti ae kakawaraki n te Internet ibukini kaekaan ana titiraki. E na kona naba ni karekei iai kaekaan titiraki aikai: Tera Ana Tautaeka n Uea te Atua? Ao tera ae e na Kakororaoia Ana Tautaeka n Uea te Atua?

Kawakini katoton te turaeki aei bwa kam aonga ni buokiia iai aomata n reiakina ae taekinaki n te Baibara ibukin taai aika na roko i aan Ana Tautaeka n Uea te Atua.