Kamanena Ara Atureti ae Kakawaraki n te Intanete n te Mwakuri ni Minita—“Titiraki Aika Kaekaaki Man te Baibara”

Ni mwakoron te jw.org ae “Bible Teachings” ao e kaotaki iai te kaongora ae kakawaki ae “Titiraki Aika Kaekaaki man te Baibara.” Ngkana ti mataata ni kaineti ma kaekaan titiraki aika aki toki n tataekinaki aikai, ti riai ni kaira kaain te auti nakon ara Atureti ae kakawaraki n te Intanete ibukini kaekaaia man te Baibara. A kona ni kamanenaaki titiraki akanne ibukini moanakin te maroro n te mwakuri ni minita. Ti riai n rinei titiraki aika a kakannongora nakoia aomata n ara aono, titirakina kaain te auti ana iango ni kaineti ma te titiraki anne ao imwina tuangnga te bae taekinaki n te Baibara ni kamanena te reasoning man te jw.org. Imwin anne, ti riai ni kabwarabwaraa ke ni kaota nakoina aroni kakaaean ana rongorongo. Te anga riki teuana, kairia bwa e na wareka te kaeka man te Atureti ae kakawaraki n te Intanete. E a tia n noria buun te mataniwi ae mwamwananga bwa e nakoraoi riki taekinan ae kangai: “A mwaiti aomata aika a iaiangoia bwa e riai ni bukinaki te Atua n ara kangaanga? Ko tangiria ni kan ataa kaekaana i nanon 51 te tekan? Imwina e kaota ana birim are e a tia ni karekea man ana tareboon ae uouotaki ibukini kaekaan te titiraki anne. E a motika ana maroro neiei ao ni kairia nakon te mwakoro 11 n te boki ae Ana Reirei te Baibara.