Aroni Kabwarabwaraan te Maekatin

Tibwaan te Beeba ni Kakao Ibukin te Kauring

“Ti tibwatibwaa te beeba ni kakao aei ibukin te bong ae rangi ni kakawaki. N Eberi 3, ao a botaki aomata aika bati ni katobibia te aonnaba ni kauringa maten Iesu ao n ongoraea te kabwarabwara ae uki nakoia aomata nako, ae taekan te kakabwaia ae ti kona ni karekea ni matena. E kaotaki n te beeba aei te tai ao te tabo ae na karaoaki iai te botaki.”

Te Taua-N-Tantani Maati 1

“E namataki Eberi 3 bwa e na karaoaki iai kauringaan maten Iesu are kakaraoaki ni katoa ririki. A na botaki tabeman n ara tabo n te bong aei ni kauringa iai te tai ae kakawaki aei, ma iai naba tabemwaang are a iangoia bwa e aki kakawaki maten Iesu. Tera am iango? Ko iangoia bwa ti kona ni kakabwaiaaki ni maten Iesu ao mangautina? [Kariaia te kaeka.] Nora ae taekinaki n te Baibara. [Wareka 1 I-Korinto 15:22, 26.] E maroroakinaki n te maekatin aei kakabwaia aika ti kona ni karekei man ana karea ni kaboomwi Iesu are e a kakoauaaki iai bwa n te tai teuana ao e nang toki te mate.”