Aroni Kabwarabwaraan te Maekatin

Moanakin te Reirei n te Baibara n te Moani Kaonobong ni Maati

“Ti kawariko tabeua te miniti ibukin te bwai ae e na karaoaki n Eberi 14. Te bong anne boni kauringaani maten Iesu. Tabeman a na kauringa matena bwa a iangoia ae e kakawaki matena. Ake tabeman, a aki koaua raoi ni kakawakini maten Iesu. N am iango, ti kakabwaiaaki ngai ma ngkoe ni maten Iesu?” Kariaia te kaeka. Kaota nakoina akun Te Taua-n-Tantani ae bwaini Maati 1, ao rinanoa ma ngaia te kaongora i aan te moan titiraki ao teuana te kibu. Aanga te maekatin ao bairea manga okim ni maroroakina te titiraki are imwina ae kaotaki naba n te iteraniba anne.

Te Taua-n-Tantani Maati 1

“A bati aomata aika a iangoa bukina ngkai te Atua e tuai mani katoka te ribuaka ao te rawawata n te aonnaba. N am iango, e riki anne bwa e aki tabeakinira te Atua ke e iangoia bwa a bon riai ni karawawataaki aomata? [Kariaia te kaeka. Imwina, wareka Ioane 3:16.] E ngae ngke a bati aika a mwanewea kanoan te kibu aei ni kaotia bwa e tabeakinia aomata te Atua, ma a aki ataa aroni kakabwaiaaia ni maten natin te Atua. E kabwarabwaraaki n te maekatin aei aroni maten Iesu ni kona ni katoka te ribuaka ao te rawawata i aon te aba.”