Karikirakean Rabakaura n te Mwakuri ni Minita—Moanakin te Reirei n te Baibara ma te Boroutia ae Te Rongorongo ae Raoiroi Mairoun te Atua! ni Moan Rokom n te Auti
Bukini Kakawakina: Ti riai n riki bwa taan reirei n ana Taeka te Atua ngkana ti na karekeia taan rimwin Iesu. (Mt. 28:19, 20) E kona n uaana ara angareirei ngkana ti kabonganai bwaai ni mwakuri aika a katauraoaki ibukira. E boni katauraoaki te boroutia ae te Rongorongo ae Raoiroi Mairoun te Atua! ibukini buokara n reireinia iai tabemwaang te koaua. Ni koauana, ti kona ni kabongana ni waakina iai te reirei n te Baibara ma kaain te auti ni moan rokora irouna.
Kataa Aei n te Namwakaina:
Tataroa te nano ibukini kairan te reirei. Butiia naba Iehova ana ibuobuoki ni moanakin te reirei n te Baibara ao n riki bwa te tia angareirei ae mwaatai ibukin te koaua.—Brb. 2:13.
Kabanea tabeua te tai n iaiangoa te katoto n am taromauri n utu ke am reirei i bon iroum. Ko kona n taetae ma te aki nanououa ao ni waakina te reirei n te Baibara ni moan rokom n te auti n am tai n uarongorongo.