MAIURA NI KRISTIAN
E Kauekea te Ninikoria Anenen te Tautaeka n Uea
A neboa te Atua n te anene Bauro ma Tira ni menaia n te karabuuti. (Mwa 16:25) Ni boong aikai, a anenei kunan te Tautaeka n Uea tarira n te onimaki ake a mena n aia tabo ni kaikain kaain te Nazi ae Sachsenhausen i Tiaman ao tarira naba ake a tautoronaki i Siberia. E oti ni katoto aikai ana ibuobuoki te anene ni kauekea ninikoriaia Kristian aika aitara ma kangaanga.
E na waekoa n reke te boki n anene ae boou ae ‘Anene ni Kimwareirei’ Nakon Iehova n taetae aika bati. Ngkana e reke iroura katotona, ti kona ni kamatenikunai taekana ngkana ti kataneiaira n anenei n ara taromauri n utu. (Ebt 5:19) N te aro anne, e kona te taamnei ae raoiroi ni buokira n ururingi ngkana ti aitara ma kangaanga. A kona anenen te Tautaeka n Uea ni buokira ni kaatuui ara iango n ara kantaninga. A kona ni kakorakoraira ngkana ti aitara ma kangaanga. Ao ngkana iai ara kantaninga ae raoiroi, a kona mwaneweia ni kaungaira bwa ti na “anene ni kimwareirei” ibukin raoiroin nanora. (1Ro 15:16; TA 33:1-3) Ngaia are ti bia kakarekei ara tai n anenei kunan te Tautaeka n Uea!
Baikara baike a kaira Brother Frost bwa e na otea te kuna teuana?
A kangaa ni kakorakoraaki iai taari n te tabo ni kaikain aei?
Baikara baika riiriki ni katoabong ake ko na kakorakoraaki iai n anenen te Tautaeka n Uea?
Anenen te Tautaeka n Uea raa aika ko kani kamatenanoi?