MAIURA NI KRISTIAN
Te Uarongorongo ao te Angareirei—A Kakawaki Ibukini Karekeaia Taan Rimwini Kristo
E tua Iesu nakoia taan rimwina bwa a na nako n reireinia aomata bwa a na riki bwa taan rimwina. (Mt 28:19) E kaineti aei ma te uarongorongo ao te angareirei. Ti riai ni katoatai n titirakinira ni kangai, ‘N na kangaa ni kanakoraoi riki itera aika kakawaki aikai ibukini karekeaia taan rimwini Kristo?’
TE UARONGORONGO
N oneani mwin ae ti na tataningaiia aomata bwa a na kawarira, ti riai ni kamarurungira ni kakaaeia naake a “tau ni kawaraki.” (Mt 10:11) Ngkana ti uarongorongo, ti kabongana raoi ara tai ni maroro ma aomata ake ti kaitiboo ma ngaiia? (Mwa 17:17) E riki Ruria bwa te tia rimwini Kristo man taningamaraun te abotoro Bauro n uarongorongo.—Mwa 16:13-15.
“Uniki am koraa n te ingabong ao tai kamotirawaa baim ni karokoa ae bong” (TM 11:6)
MATAKU N TE TAAMNEI AE TEIMATOA N UARONGORONGO “N AKI TOKI”—N TE TAI AE AKI BAIREAKI AO MAN TE AUTI TEUANA MA TEUANA, AO KAEKAI TITIRAKI AIKAI:
E kangaa Samuel ni kaotia bwa e kamarurungnga n unika koraan te koaua, ni baike e kakaraoi ni katoabong?
E aera bwa ti riai ni botumwaaka ni karaoi aanga n uarongorongo nako?
Antai ae ko kona n taekina rongorongon te Tautaeka n Uea nakoina, ni baike ko kakaraoi ni katoabong?
TE ANGAREIREI
Ngkana ti na karekeia taan rimwini Kristo, ti riai ni karaoa ae bati riki nakon tii katukan te boki irouia aomata. Ngkana ti na buokiia bwa e na kaan aia iraorao ma te Atua, ti riai n okiokiriia ao n reirei n te Baibara ma ngaiia. (1Ko 3:6-9) Ma tera arora ngkana ti taningamarau n reireina temanna taekan te Tautaeka n Uea ma e aki rangi n uaana? (Mt 13:19-22) Ti riai n teimatoa ni kakaaeia aomata aika ai aron “te tano ae raoiroi” nanoia.—Mt 13:23; Mwa 13:48.
“I ununiki ngai ao e teboaroka Aboro, ma e teimatoa ni karikirakea te Atua” (1Ko 3:6)
MATAKU N TE TAAMNEI AE TEIMATOA N UARONGORONGO “N AKI TOKI”—N ANA TABO TE BOTANNAOMATA AO NI KAREKEIA AOMATA BWA TAAN RIMWIN IESU, AO KAEKAI TITIRAKI AIKAI:
A kangaa Solomon ao Mary n teboka koraan te koaua are i nanon Ezekiel ao Abigail?
Tera tiara ae kakawaki n iteran nako ara mwakuri ni minita, n ikotaki ma te uarongorongo n ana tabo te botannaomata?
Ti na kangaa ni kaatuua riki te angareirei ibukin te koaua nakoia aomata?