BAIKA KAKAWAKI AIKA MENA N ANA TAEKA TE ATUA | MAREKO 3-4
Kamarurungan te Aoraki n te Bongi n Taabati
E aera bwa e rawawata Iesu n aroaroia mataniwi n te Aro n Iutaia? Ibukina bwa a karaoa tuan te Bongi n Taabati bwa e na karawawata ni kauaataoan riki tuua aika akea manenaia. N te katoto, e katabuaki tiringan utin te man. E kariaiakaki kamarurungan te aoraki tii ngkana e na ruanikai maiuna. Nanona bwa a aki riai ni bwainnaorakiaki n te Bongi n Taabati ri aika mwaoto ke aika rairaki. E teretere iai bwa akea mwannanoan te aomata ae mate baina irouia mataniwi aikai.