BAIKA KAKAWAKI AIKA MENA N ANA TAEKA TE ATUA | NAKOAIA IBONGA 14-15
A Riai n Itiaki Taan Taromauri ni Koaua
Ngkana ti na teimatoa n tangiraki iroun te Atua, e riai n itiaki nanora ao tinanikura naba. E nanonaki n aei te kakaonimaki ni maiuakin raoi ana kaetieti te Atua ni kaineti ma te itiaki n rabwatara, n aroaroni maiura, ao n ara onimaki, n aki ongei aroaroia kaain te aonnaba aei. Ti rarawa ni karaoi baike e iangoi Tamara are i karawa bwa a kamwara.
N na kangaa ni kakabwaiaaki ngkana I rarawa nakon aron te aonnaba ae buakaka aei?