MAIURA NI KRISTIAN
Bwabwaro Aika Katoa Ririki—E Kaotiotaki Iai te Tangira
E aera ngkai ti rangi ni kukukurei n ara bwabwaro aika katoa ririki? N aroia I-Iteraera rimoa, e reke naba ara tai iai n taromauria Iehova ma raora n te onimaki aika bubua ma bubua ao nga ma nga n ara bong aikai. Ti karekei iai amwarake n taamnei aika bane burengaia n te baka n amwarake aei. E kakawaki naba iroura reken ara tai ma raoraora ao ara utu. Ngaia are ti kairaki man ara kakaitau ae bati bwa ti na kani kaea te bwabwaro ae tenibong maanna.
Ngkana ti botaki ma tarira, ti aki riai n iaiangoi tii baika ti kona ni karekei i bon ibukira, ma bon arora naba ni kaota te tangira nakoia tabemwaang. (Kar 6:10; Ebr 10:24, 25) Ngkana ti kauka te mataroa ibukin tarira ke mwaanera ke ngkana ti aki taui taabo n tekateka aika bati, ti a kaotia iai bwa ti tabeakina aroia tabemwaang. (Brb 2:3, 4) Ti karekeia naba raoraora aika boou n taai ni bwabwaro. Ti kona ni katea tiara bwa ti na maroro ma naake ti tuai ni kinaia, imwain ke imwin te bwabwaro ao n tain naba te katawanou. (2Ko 6:13) E kona n rikirake te iraorao ae teimaan mani bwabwaro aikai! Ma ae moamoa riki, ngkana a nora te tangira ni koaua naake tiaki taani Kakoaua, a na bae ni kan raonira naba ni beku iroun Iehova.—Io 13:35.
MATAKU N TE TAAMNEI AE “AKEA KABWAKAN TE TANGIRA”! TE BWABWARO IBUKIN AABA AIKA KAKAOKORO, AO KAEKAI TITIRAKI AIKAI:
E kangaa ni kaotaki te tangira nakoia iruwa ake a kaea te bwabwaro ibukin aaba aika kakaokoro n 2019?
E aera ngkai e rangi n rianako te katiteuanaaki ao te tangira irouia ana aomata Iehova?
Baikara iteran nako te tangira ni Kristian ake a katuruturui kaain te Rabwata n Tautaeka?
Ko na kangaa n uataboa kaotiotan te tangira n ara bwabwaro?
E kangaa te tangira ni Kristian ni katiteuanaia taari ake i Tiaman ao i Korea Maiaki?
Tera ae ti riai ni motinnanoia?