Kamanena te Boki ae Ko Kona ni Kukurei n Aki Toki! n Am Mwakuri ni Minita

Ai kakukureira ngkai e a reke ara boroutia ao ara boki ae boou ibukini kairan reirei n te Baibara! Ti tataro nakon Iehova bwa e na kakabwaiaa ara mwakuri korakora ni karekeia taan rimwini Kristo. (Mt 28:​18-20; 1Ko 3:​6-9) Ti na kangaa ni kamanenai bwaai ni mwakuri aika boou aikai?

Kioina ngkai e boou aron te angareirei n te boki ae Ko Kona ni Kukurei n Aki Toki!, irii raoi kaetieti aikai ngkana ko katauraoi ao ni kairi reirei n te Baibara mai iai.a

• Wareka kanoana, ao maroroakin titiraki

• Wareki kiibu ake a mwakoro iai “wareka” ao buoka am reirei bwa e na ota n ae nanonaki iai

• Kaoti ao maroroakin taamnei, ni kamanenai titiraki ake a katauraoaki

• Kataia ni kabanea teuana te reirei ni katoaa tain te reirei

N te mwakuri ni minita, aanga moa te boroutia n noria bwa e kan ongora te aomata ke e aki. (Nora te bwaoki ae “Arom n Anga te Boroutia ae Ko Kona ni Kukurei n Aki Toki! ni Moani Kawarana.”) Ngkana e a bane te reirei n te boroutia ma e kan reitia riki am reirei, aanga ngkanne te boki ao reitia man reirei 04. Ngkana ko reirei ma temanna n te boki ae Reireiara ke are Teimatoa n Tangiraki Iroun te Atua, bitia nakon te boki ae Ko Kona ni Kukurei n Aki Toki! ao rineia bwa ko na moanna mai ia.

MATAKU N TE TAAMNEI AE KO BUTIMWAEAKI NAKON AM REIREI N TE  BAIBARA, AO KAEKAI TITIRAKI AIKAI:

• Tera ae a na reiakinna naake a reirei n te Baibara man te boki ae boou aei?

• E aera bwa ko riai ni kaota te taamnei aei nakoia naake a tibwa reirei n te Baibara?

• Baikara baika ko riai ni kaungaa iai am reirei bwa e na katai ao n uaiakin?​—Nora te bwaoki ae “Te Boto N Iango ao Kataia n te Reirei Teuana ma Teuana”