BAIKA KAKAWAKI AIKA MENA N ANA TAEKA TE ATUA

Irira Iehova ma Nanom ni Kabane

E irira Iehova ma nanona ni kabane Kareba mangke ataei (Iot 14:7, 8)

Imwina riki e onimakina Iehova Kareba bwa e na buokia ni kakororaoa te mwioko ae kangaanga (Iot 14:10-12; w05 1/1 23 ¶7)

E anganaki kaniwangana Kareba ibukin ana beku ma nanona ni kabane iroun Iehova (Iot 14:13, 14; w06 1/10 23 ¶11)

Taamnei: Te tari te aine ae kaaitara ma kangaangan te kara. 1. E taua okona ngke e tekateka ao e tataro. 2. E karaoa te mwakuri n uarongorongo n ana tabo te botannaomata ma te tari te aine ae ataei. 3. E kaotii taamneina nakoia ataein ana ekaretia aika uarereke. 4. E wingare ma te kukurei.

E kakorakoraaki ana onimaki Kareba ngke e kakairi n ana kaetieti Iehova ao n nori kakabwaiaana mairouna. Ngaira naba ti kakorakoraaki n ara beku iroun Iehova ngkai ti nori kaekaan ara tataro ao kairirara irouna n aanga aika kakaokoro.—1Io 5:14, 15.