Butimwaea Ana Ibuobuoki Iehova Rinanon te Tataro

Bon Iehova ae karika koraan te koaua bwa e na wakaa ao n rikirake i nanon te aomata. (1Ko 3:​6-9) Ngaia are ngkana e na nakoraoi ara mwakuri ni minita, ti riai n onimakina Iehova bwa e na buokira ao ni buokiia ara reirei n te Baibara.

Butiia Iehova bwa e na buokiia am reirei n nanomwaaka i aani kakaitaraaia ao n tokanikai i aoni bwaai n tutuki. (Brb 1:​9, 10) Taekina raoi te bae ko nanonna. Tataro ni bubutii te taamnei ae raoiroi bwa e na kairira am iango ao am mwakuri. (Rk 11:13) Reireinia am reirei aroia n tataro, ao kaungaia bwa a na tatataro. Tataro ma ngaiia ao ibukia, ao mwanewei araia.

MATAKU N TE TAAMNEI AE KIMWAREIREI NI KAREKEAIA TAAN RIMWINI KRISTO​—BUTIMWAEA ANA IBUOBUOKI IEHOVA​—TE TATARO, AO KAEKAI TITIRAKI AIKAI:

• Tera te kangaanga are e kaaitara ma ngaia Neeta n ana tai n reirei ma Jade?

• E kangaa 1 I-Korinto 3:6 ni buoka Neeta?

• E kangaa n reke buokan ana kangaanga Neeta?